Д.Алигэрмаа: Яг төрсөнийхөө дараа ээжийгээ л их хайрламаар санагдсан

Сайн байцгаана уу? Хайрт ангийнхан минь... Та нартаа энэ өдрийн мэндийг хүргэе! Сэтгүүлчийн Б гэдэг анги бүрэлдэн бий болсон цагаас эхлэн биднийг нэгтгэн, нийлүүлэх, аливаа баяр, хөөртэй үйл явдлыг зохион байгуулах хүндтэй бөгөөд бас ч үгүй багагүй авъяас шаардсан ажлыг чадварлаг гүйцэтгэсээр ирсэн бүсгүй бол яахын аргагүй Д.Алигэрмаа юм. Тиймдээ ч ангийн нөхдөөсөө Ангийн Шоу Менежир хэмээх цолыг хүртсэн. Д.Алигэрмаа буюу Анжи маань саяхан үрийн зулай үнэрлэж, эх орныхоо дархан хилийг манах хүү төрүүлсэн билээ. Хэдийгээр бид түүнтэйгээ уулзаж, шинэ хүний өхөөрдөм царайг харж амжаагүй байгаа ч Ганбаа миний бие та нарыг Анжитай "Бидний Блог"-оор дамжуулан уулзуулах гэж байна. Ингээд Анжитай Messenger-р хэсэгхэн хором ярилцсанаа толилуулъя.

Төрөх болоогүй байхдаа амархан юм шиг санагдаж байсан. Зүгээр нэг дүлээд л гаргана гэж бодож байсан ч яг үнэндээ ёстой аймаар юм байна лээ. Үнэхээр их өвдөж байж төрсөн. Яг төрсөнийхөө дараа ээжийгээ л их хайрламаар санагдсан. /инээв/ Бас хүүхдээ харахаар хамаг өвдөлт алга болоод, хайр хүрээд л ёстой гоё байсан. Ангийнхандаа л гэж хэлэхэд хурдан төр өө! /инээв/

Ангийнханд нь хүүхэд чинь их сонин байгаа байх. Ээж, аав хоёрынхоо хэнтэй нь илүү адилхан бэ? Яг одоо хүүгээ харж байгаад дүрслээч

/Инээв/ Яг надтай адилхан юм шиг ээ. Хамар нь яг миний хамартай ижилхэн, нүд нь ч гэсэн. Ер нь л надтай адилхан даа. Гэхдээ аймаар сонин, хүүхэд том болох тусмаа өдөр өдрөөр царай нь өөр болоод л байдаг юм байна лээ шд. /инээв/

Хүүдээ Дөлгөөн гэдэг нэр өгсөн гэсэн. Нэрийг нь хэн өгсөн бэ? Нэрний учир...

Нэрийг аав нь өгсөн. Дөлгөөхөн, сайн хүү болоосой гэж билэгдэж өгсөн. /инээв/

Дөлгөөн 2-г хэзээ төлөвлөж байна?

Ёооё ёстой хэлж мэдэхгүй ээ. Аймаар өвддөг юм билээ. Жаахан шоглож хэлэхэд дургүй хүнээ төр гэж хараамаар санагдсан. /инээв/  

Төрөх тухай зүүдлээ ч үгүй яваа ангийнхаа Хоролоо Ч.Энхээ хоёрт тусгайлан хандаж үг хэлээч гэвэл?

Хурдан хүнтэй суу, оройтлоо. Эхнийхээ өвдөлтийг ч мэдээгүй юм чинь цаад хоёрт чинь юу хэлэхэв дээ. /инээв/

Заа за. Хорвоод шинэ хүн төрүүлсэн чамд бас танай гэр бүлд дахин баяр хүргээд амьдралын хамгийн сайн сайхан бүхнийг чин сэтгэлээсээ хүсэн ерөөе!

Баярлалаа. Та нартаа хайртай шүү!