Сайн байцгаана уу? Хайрт ангийнхан минь... Бүгдэнд нь энэ нийтлэлийг унших өдрийн мэндийг хүргэе! Бидний хэсэг хугацаанд баяртай, дурсамжтай мөчүүдээ бие биетэйгээ хуваалцдаг байсан блог шинэчлэгдэж blog.gogo.mn сайтаас blogger.com сайт руу нүүж байна.

Мэдээж шинэчлэгдсэн гэдэг утгаараа блогийн өнгө дүрс улам сайжирч, илүү их боломжууд нэмэгдсэн. /Гэхдээ блог дээрх боломжууд нь та нарт гэхээсээ надад илүү хамаатай байх/ GoGo блог дээр байсан бидний бүх нийтлэлүүд мөн энэ блог дээр тавигдах юм. Шинэ блогийн Username Password хуучнаасаа бараг өөрчлөгдөөгүй. Шинэчлэлийн ажлаа бүрэн дуусгачихаад /мэдэхгүй ойлгохгүй зүйлүүд бас байнаа/ яаж нийтлэл бичихийг би жичтэй зааж өгнөө. Ажил болгож блогоо шинэчилж байгаагийн хэргийг гаргаарай. Зарим талаар та нар хойрго ханддаг тал бий шүү.  Зав зайгаараа өөрийнхөө болоод ангийнхаа хэн нэгний талаар сонин содон зүйлийг блогтоо нийтэлж байвал бусдад чинь сонирхолтой, бас сураг чимээг нь сонсоод яваад байна гэсэн үг. Ингээгүйгээс болж өнөөдөр Мөнхбаяр, Хулан, Минжин бас бус хүмүүсийн сураг тасарсан. /Хаагуур ямар юмаа хийгээд явж байдаг юм бол доо?/ Ангийн дарга Мөнхцэцэг сургуулиа төгсөөд үүрэгт ажлаасаа мултарчихсан гэж андуураад байгаа бололтой. Үгүй юм шүү дээ. Ангийнхаа хамт олныг зангидах, нэгтгэх үүрэг өнөөг хүртэл таньд байгаа. Ажлынхаа хажуугаар ажлаа хиймээр байна. :) 

Нээрээ ангийн Show Manager Анжидаа ээж болсонд нь ангийхныхаа өмнөөс баяр хүргэе! Удахгүй бид нар очноо. /Энэ ажлыг бас л Мөөг зохион байгуулмаар л байна./ 

За эцэст нь бүгдээрээ блогтоо байнга орж сонин сайхан зүйлүүдээсээ бичиж холбоотой байцгаагаарай. Бүгдэнд нь амжилт хүсье!